EDL BARCELOS

  Esta celebración  conmemora a chegada da primavera e ensina a alegría polo crecemento e a floración da vexetación, creándose verdadeiras obras de arte con flores, froitas, herbas, ovos, etc A Praza da Ferraría acollerá este mércoles,  1 de maio,  a ‘Festa dos Maios’, a partir das 11.00 horas coa  participación dos seguientes maios:  Maio de Figueirido, Maio de San Xulian, Maio Marcos da Portela, Maio de Campaño, Maio de Marcon  e  Maio de Campolongo. Mentras o xurado se retira a deliberar, os asistentes poderán ver a actuación do  grupo  Son da Pedra.

 Os membros do equipo de biblioteca e do equipo de dinamización Lingüística traballamos man a man para fomentar o uso da nosa lingua no cole. Nesta ocasión aproveitamos a conmemoración, o 23 de abril,  do Día do Libro. No panel da entrada colocamos Post-it de cores nos que ao longo da semana, o alumnado podía escribir títulos de libros que recomendaban a compañeiras e compañeiros. Hoxe, coma en anos anteriores, levamos a cabo o apadriñamento lector . Os maiores leron contos aos pequenos para o que, aproveitando os primeiros raios de sol da primavera, saíamos ao patio. Con esta actividade gozamos mestras, mestres e alumnado. Repetiremos!

 O   21 de marzo  celebramos 0 Día da poesía por eso durante este mes estamos a traballar distintos tipos de poemas Na biblioteca tendes unha mostra bibliográfica con poemarios de diversos autores, dende clásicos coma Rosalía de Castro a poetas contemporáneos coma Ana Mª Fernández ou Antonio García Teixeiro. Imos a presentarvos un tipo de poema coñecido coma Haiku, poesía xaponesa. Consiste nun poema breve de dezasete sílabas, escrito en tres versos normalmente de cinco, sete e cinco sílabas, respectivamente.   Invitámosmosvos a facer algún haiku, decoralo e pegalo nunha das cortizas que atoparedes nas escaleiras do cole

Empezaremos co rei Urco e remataremos co enterro de Ravachol pero no seguinte enlace podedes ver o programa completo do entroido de Pontevedra ENTROIDO DE PONTEVEDRA  

 A pesares de que a conmemoración oficial é o 23 de febreiro por ser esta a data do  nacemento da escritora galega, foi o pasado venres cando o conmemoramos no cole. Despois de ler algúns datos relevantes da súa vida e obra, recitaronse algúns poemas  Rematamos con música, o alumnado de infantil intrpretou  Ahí ven o moucho e o de primaria interpretou Xan , u poema que sen dúbida vale a pena ler.

  Galicia foi unha das poucas rexións de España que continuou celebrando o carnaval a pesar da prohibición. Hoxe a importancia do Entroido é tal que varios carnavais galegos contan coa cualificación oficial de " Festa de Interese Turístico ". E máis de 175 municipios de Galicia declararon festivo o Luns ou Martes de Entroido ou o Mércores de Cinza. Unha celebración por todo o alto á que calquera se pode unir. O CEIP Plurilingüe Praza de Barcelos non podía ser menos. Empezamos o luns co mandadiño e remataremos o venres con un desfile de cine pola contorna do colexio.

  O pasado venres publicouse no DOG a Resolución da Secretaría Xeral da Lingua ( https://www.xunta.gal/dog/Publicados/2025/20250207/AnuncioG0766-030225-0001_gl.html ), pola que se anuncia, con carácter voluntario e gratuíto, a   convocatoria de   cursos   de lingua galega preparatorios das probas para obter os certificados de   Celga 2, Celga 3 e Celga 4 :  https://www.lingua.gal/a-secretaria-xeral/actualidade/novas/-/nova/X009626/xunta-incrementa-prazas-cursos-preparacion-para-obter-certificados-lingua-galega . A inscrición debe realizarse, ata o  28 de febreiro , en  https://formacion-lingua.xunta.gal/ , tanto para a modalidade presencial como en liña.