26/2/16

DÍA DA PAZ
2016

     O venres 29 de xaneiro celebramos na nosa escola o día da Paz.  Os días previos á celebración, o alumnado estivo a traballar sobre esta temática nas aulas, así como das persoas máis destacadas na procura dun mundo máis amable. Coma anos anteriores, fixemos unha xuntanza no patio das columnas na que estabamos todos os que formamos parte da comunidade escolar. Foi un acto sinxelo pero, cada vez máis, necesario.


Facede dobre clic na imaxe para ver máis fotos.

15/2/16

HISTORIAS MEDOFÓNICAS


     No pasado mes de decembro, o alumnado de sexto curso escribiu algunhas historias de medo para un programa radiofónico en Onda Cero. Como parte desta experiencia, cada un dos/as autores destas historias fixo de mestre dun alumno de primeiro curso. Deste xeito, formamos dez parellas de alumnos/as formadas cada unha delas por unha rapaza ou rapaz de sexto curso e outro de primeiro. Os maiores prepararon aos pequenos na lectura das súas historias, e o resultado foi unha experiencia moi enriquecedora da que todos/as sacaron partido.





Picade nesta imaxe para ver máis fotos.