Por un lado alumnas e alumnos de 1º e 2º gozaron na biblioteca cos monicreques que o alumnado de 5º e 5º crearon polo entroido e que agora recuperaron para crear divertidas historias no noso guiñol.
Por outra banda acompañamento lector no patio, o alumnado de 3º e 4º lee contos para @s compañeiros e compañeiras de Ed. Infantil.
Terceira actuación, ao ritmo da música de MEKÁNIKA ROLLING BAND e portando mochilas co lema FÁLAME, bailamos sen parar no CORRELINGUA 2022 na Alameda de Pontevedra
E rematamos de momento amosando o noso maio. nesta ocasión non utilizamos os materiais orixinais senon uns alternativos, pero si respetamos a tradición elaborando e cantando coplas que reflexan as nosas preocupacións.
Dende 1963 cada 17 de maio celébrase o Día das Letras galegas para homenaxear a persoas destacadas pola súa creación literaria en galego e a defensa do idioma. Dende Rosalía de Castro ou Castelao nos primeros anos ata Florencio Deldado Gurriarán neste 2022.
Delgado Gurriarán naceu o 27 de agosto de 1903 en Córgomo (Vilamartín de Valdeorras). Despois, por motivo da profesión de seu pai, perito agrícola e funcionario do Ministerio de Fomento, toda a familia viviu en Ourense, Palencia e Valladolid, onde Florencio estudou a carreira de Dereito entre 1918 e 1924.
Durante a ditadura de Primo de Rivera (1923-1930), en Delgado Gurriarán aséntanse os ideais republicanos e plenamente galeguistas. Comezou a militar no Partido Galeguista (PG),
Florencio estivo sempre moi activo nos círculos galeguistas e isto fixo que durante a Guerra Civil tivera e exiliarse en México.
Videoclip baseado nun poema de Florencio Manuel Delgado Gurriarán feito no CEIP Carballa
Os vértices da poesía de Delgado Gurriarán xiran arredor de tres eixes temáticos e estilísticos: a obra lírica e sensual de Valdeorras, compilada no libro Bebedeira; a poesía de loita e defensa da lingua galega e belixerante contra o fascismo, que se publicou sobre todo en Nueva Galicia e se recolleu no libro O soño do guieiro. O terceiro eixe é o da poesía crioula recollida nas revistas Saudade e Vieiros e no libro Galicia infinda, na que o autor mostra a súa admiración pola realidade mexicana e a capacidade da lingua galega para dialogar cun sistema literario tan diferente como o mexicano.
Un ano máis volven os maios e trataremos de manter
viva esta tradición creando e cantando coplas. Faremos ademais un maio, actual
e adaptado ás circunstancias que non segue as características do maio
tradicional que son as que seguen.
O maio tradicional só admite
materiais naturais. Debía ter forma cónica ou piramidal
Desde hai moitos anos, durante a
Festa de Os Maios varias localidades galegas celebran un concurso no que
premian ao mellor maio pero tamén ás
mellores coplas, que son parte indispensable da celebración. Trátase de
pequenas composicións satíricas entonadas polos máis pequenos, que acompañan
col ritmo de dous paus. As coplas trataban tradicionalmente de escándalos
locais ou criticaban algún personaxe da localidade coñecido por todos os
veciños.
Coplas do noso cole de cursos anteriores
Outra
manifestación propia desta época ligada aosmaios é a de la de poñer durante a Festa dos
Maios nas portas das casas ou nos vehículos ramas de xesta .
Axenda 2030 de desenvolvemento sostible inclúe entre os seus obxectivos, a produción e o consumo
responsable, promovendo a xestión
sostible e o uso eficiente dos recursos así como a redución de residuos e
o desperdicio de alimentos. O 15 de marzo de 1983 celebrouse por primeira vez o
día do
consumidor, establecido pola ONU.
Hoxe tivemos a sorte de recibir a visita de POLO CORREO DO VENTO que nos viñeron a contar e cantar sobre a historia do noso cole . Esta historia está representada no mural que previamente nos pintaron na entrada .
Chegou o entroido a Barcelos e se te queres divertir ao Meco debes seguir. Cada día unha orde e recorda que son acumulativas así que o xoves deberás levar o de toda a semana.
O entroido é unha das festas máis
antigas que se celebra en toda Europa. A súa orixe está nas celebracións das
tarefas agrarias e a chegada da primavera, pero ten elementos de orixe romana,
cristiá e medieval. En Galicia ten moita tradición e moitos nomes: Entroido,
Antroido, Intruido, Entruido, Entrudo e Entroiro. Todos teñen a súa orixe no
termo latino introitus, que significa entrada e que sinala a entrada nunha nova
estación, a primavera. Tamén se chama carnaval. O Entroido é unha época de
festa na que o máis importante é disfrazarse e pasalo ben.
ENTROIDOS MÁIS COÑECIDOS:
·LAZA
(Ourense): Peliqueiros
Os peliqueiros son os personaxes do carnaval de
Laza, reúnense nun acto chamado A estrea do peliqueiro e invitan a bica.
Os peliqueiros
son personaxes “animalizados”: non falan, levan chocas de ferro coma os animais
e levántanlle a saias as mulleres e zorregan á xente. O traxe está composto por
chaqueta con galóns, pantalón curto con encaixe, camisa branca e gravata
vermella. Nas pernas levan medias cinguidas con rechamantes ligas e os zapatos
son negros. O disfrace compleméntase co cinto, de onde colgan as chocas, e coa
zamarra ou látego . A máscara leva pintado un animal e cosida por detrás unha
pelica de animal.
·VERÍN
(Ourense): Cigarróns
O protagonista é un personaxe enmascarado que viste un
traxe con moitos adornos e que chega a pesar 25 quilos. A máscara faise con
madeira e a parte superior remata nunha folla de lata con motivos animais ou
vexetais. A vestimenta componse de camisa branca con garabata, chaqueta con
galóns e xarreteiras, calzón corto e medias. Á cintura levan cinto con chocas
por detrás e na man unha “zamarra”.
·XINZO
DE LIMIA (Ourense): Pantallas
É o carnaval
máis longo de España –e probablemente do mundo–, xa que dura cinco fins de
semana. A Pantalla é a máscara de Xinzo.A careta faise con cartón, papel de
xornal, feltro, fariña, auga e pintura. Faise nunha soa peza encaixándose na
cara e cabeza. Ten cara de diaño, con cornos e a parte de arriba está adornada
con motivos astrais ou animais totémicos. Arredor leva uns flocos que fan de
barba. O traxe componse de camisa e calzóns brancos, abrigo vermello ou negro,
pano vermello e polainas e zapatos negros. Levan na cintura unha faixa vermella
xunto coas campás.
·ZONA
DO ULLA (A Coruña e Pontevedra): Xenerais do Ulla
Nas bisbarras do río Ulla o entroido inspírase nas
loitas que se viviron por mor da invasión napoleónica. Os grandes protagonistas
son os xenerais que, ataviados con vistosos uniformes, percorren as rúas a
cabalo.
·CHANTADA
(Lugo): Volantes
Os volantes, ataviados cunha vistosa indumentaria son
os representantes dos vellos feudais.
· VILABOA (Pontevedra): Madamas e Galáns
Visten traxes de
gran valor e non levan máscaras, vaise coa cara descuberta! As madamas levan
camisa e faldra brancas e moitos colares. Todo adornado con fitas, plumas,
pedraría e pasamanería. Pero o máis rechamante son os sombreiros.
·A cidade de
Pontevedra tamén celebra o entroido por todo o alto. Un dos actos é o Enterro
de Ravachol, ao que acode todo o mundo vestido de loito. Ravachol foi un
personaxe real, un loro malfalado e groseiro dun coñecido farmacéutico que
morreu durante os carnavais de 1913; foi enterrado con grandes honras no medio
dun multitudinario duelo que agora se recorda cada ano por estas datas. Cada
ano vai vestido diferente.
Para coñecer a historia do loro Ravachol pincha na imaxe
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg){kind=link}