EDL BARCELOS

  Esta semana, nalgunhas aulas do centro traballouse o Día da Candeloria , unha celebración da tradición popular galega ligada á natureza e ao inverno . A través de distintas actividades, o alumnado achegouse ao significado desta data e ás tradicións populares, favorecendo o uso do galego como lingua de aprendizaxe e expresión.

  Como todos os anos, no noso cole celebramos a chegada do Entroido cunha tradición que lles encanta aos nenos e nenas: o mandadiño . Durante a semana previa ao desfile, cada día traen ao cole un pequeno encargo, sinxelo e divertido, que nos axuda a ir creando ambiente e ilusión. Este curso, o mandadiño ten un fío condutor moi especial: a música . E non é casualidade, xa que a música é tamén a temática elixida para o Salón do Libro , no que o noso centro vai participar ao longo das próximas semanas. Ao longo da semana, o alumnado irá cumprindo os encargos do mandadiño relacionados co mundo musical, enchendo o cole de ritmo, cor e alegría, ata chegar ao gran día do desfile, no que cada clase lucirá o seu disfrace. 💛 Venres dourado O día 15 de febreiro conmemórase o Día do Cancro Infantil . Como xesto de apoio, agarimo e esperanza, desde o noso cole sumámonos a esta iniciativa. Por iso, o venres animamos ao alumnado a levar algo de cor dourada , simbolizando luz e solida...

    O 30 de xaneiro conmemoramos no cole o Día Escolar da Non Violencia e a Paz.  Nesta xornada  especial lembramos a importancia do respecto, da convivencia e da solidariedade entre todas as persoas. O alumnado de sexto de primaria leu uns fermosos poemas que nos fixeron reflexionar e sentir que a paz non é só a ausencia de conflitos, senón tamén a presenza de xestos amables, palabras que coidan e mans que axudan. A través dos seus versos lembráronnos que a paz constrúese cada día, nas pequenas accións cotiás: compartir, escoitar, pedir perdón, agradecer e tender pontes en lugar de levantar muros. Cada palabra recitada foi unha semente de esperanza para facer do noso cole un lugar máis xusto, máis unido e máis feliz.  Para rematar o acto, todo o alumnado e profesorado cantamos xuntos a canción “De que che vale”, enchendo o patio de voces e emocións, e reforzando a idea de que só camiñando da man podemos construir un mundo mellor.   Porque a paz comeza en c...

 Durante o mes de novembro traballaron nas aulas dúas conmemoracións moi importantes:  O Día Mundial da Infancia e o Día Internacional da Eliminación da Violencia contra a Muller Aquí tedes unha pequena mostra dalgúns traballos sobre estas conmemoracións

 Dámosvos de novo a benvida ao blogue do EDLG.  Durante o primeiro trimestre deste curso fixemos diferentes actividades onde a lingua galega foi protagonista.  Unha data especial é a festa do Samain, onde todo o cole participou e Pasámolo de medo.  Tamén o alumnado de 4º fixo unha exposición de cogomelos que eles mesmos recolleron xunto coa axuda da asociación  Brincabois.  Aquí deixamos algunhas fotos destas actividades. 

Un ano máis rematamos o curso publicando a nosa revista escolar O GALO. Nela recollemos algúns recordos deste curso, pero houbo moito máis. Podedes vela facendo clic no seguinte enlace.  O GALO 2025  Esperamos que sexa do  agrado de todos e todas

 Dentro da programación que estamos a levar a cabo con motivo das letras galegas coma cine ou exosicións, tivemos hoxe unha actividade impresionante. Gozamos coa actuación da cantareira, recompiladora e mestra  pandereteira Leni Pérez. Ensinounos que para facer música non sempre énecesario un instrumento musical,  ás veces chega con instrumentos cotiás coma unha tixola, culleres, cunchas ou unha lata de pimentón. @leniperezz  Algúns incluso se lanzaron ao escenario. Nos videos podedes ver algún fragmento das coplas que interpretou.