E.N.L. BARCELOS

O ENTROIDO EN BARCELOS

2011-03-14T09:38:00.008+01:00

Este ano o tema do noso entroido foi a música, como poderedes ver nas fotos contamos con gaitas, gaiteiros, rapeiros e a gran pequeorquestra barcelin.

DÍA DA PAZ

2011-03-14T09:16:00.006+01:00

En Barcelos celebramos o día da paz recitando poesias que nos mesmos escribimos, e facendo murais mui grandes e bonitos para recordar a todos que todos os días teñen que ser os da paz.

SE EU SOUBESE FACER MAXIA

Se eu soubese facer maxia
un, dous, tres,
as pelexas e as guerras
faría desaparecer.
Nenos e nenas poderían
estudar e aprender,
cos amigos xogarían,
ledos poderían medrar,
todos falarían
con respecto e con paciencia
xuntos traballarían
por unha maior convivencia.
Alumnos e mestres
construirían a paz.
Non existiría o colexio
con violencia e desigualdade.
Se eu soubese facer maxia,
un, dous e tres,
moitas cousas boas
poderían ocorrer.

Paula Ordóñez Castro, 3º B

A GRAN VERDADE DA PAZ

Oh, paz,
que lindo son
fai esta palabra
cando a dis de corazón!

Mais aínda máis belo é
velo cumprir,
ver que á guerra
xa non se volve ir.

Mais parecemos un pouco tontos
porque isto non é como o conto;
non pode seguir así
e podemos axudar agora e dende aquí.

E a moralexa é:
“Se á paz queres axudar,
faino!
Sen sequera dubidar.”

Telmo Costa, 5º A

A Paz
amor e amizade,
respecto,
as guerras non se poden
usar,
axudar aos pobres,
compartir os xoguetes,
compartir os libros,
non pegar,
non insultar,
non roubar,
faremos un mundo
mellor,
onde se viva
en paz e amor.

Alumnas e alumnos de 1º A

CARTAS OS REIS E POESIAS

2011-01-24T09:28:00.015+01:00

O NADAL EN BARCELOS

2011-01-17T09:27:00.025+01:00

Neste nadal puxemos o colexio moi bonito cos nosos traballos e o belén. Antes das vacacións recibimos a visita dos Reis magos, cantamoslles bailamoslles e recolleron todas as nosas cartas.

OS REIS MAGOS

OS MÚSICOS

OS BAILARINS

INFANTIL

1º CICLO

RECITANDOLLES OS REIS

2º CICLO

LECTURA DAS CARTAS

PREMIOS

3º CICLO

LECTURA DAS CARTAS PREMIADAS E RECITACIÓN

PREMIOS

CONTOS E RECEITAS DE CASTAÑAS

2010-12-16T09:46:00.012+01:00

MAGOSTO

2010-12-16T09:28:00.007+01:00

Outro ano mais chegou o magosto ó colexio Barcelos.

Comemos moitas castañas e fixemos contos e receitas desta época.

FOTOS DO SAMAIN

2010-11-08T11:20:00.011+01:00

SAMAIN

2010-11-08T10:33:00.009+01:00

Contos de medo

BENVIDOS O CURSO 2010 2011

2010-11-08T09:15:00.001+01:00

Un novo ano estamos aqui para informar a toda a comunidade educativa das novas e actividades do C.E.I.P. BARCELOS .

EN GALEGO MOLA MAIS Boletin 2010 2º

2010-04-30T10:02:00.002+02:00

SEMANA INTERCULTURAL E INTERCAMBIO
Foron as principais actividades realizadas entre o segundo e o terceiro trimestre. Damos as grazas ás familias que colaboraron na achega de cantigas dos avós en diferentes linguas. As xornadas de intercambio resultaron moi ben, tanto as de Cordeiro como as de Pontevedra. Acharedes fotos dos encontros visitando o noso blogue. Algunhas publicaranse no periódico mural e na revista escolar O Galo. Por agora védeas no blogue http://enlbarcelos.blogspot.com

A NOSA ESCOLA EN EUROPA
A editorial Planeta distribuíu hai pouco o libro que redactamos entre todos sobre A nosa escola en Europa. Quedou moi ben.

AUTOCONTACONTOS
Realizamos tamén esta actividade, coa participación de varias aulas do 2º e do 3º ciclo. Na primeira fase seleccionáronse catro por aula (ata o 15 de marzo). Na segunda (ata o 15 de abril) seleccionáronse dous por ciclo. Estes recibirán cadanseu premio e intervirán como contacontos no acto final da Semana das Letras Galegas, o vindeiro 28 de maio.

CONCURSO DE REDACCIÓN E ILUSTRACIÓN DE CONTOS
Como se anunciara xa no boletín anterior, convocouse un concurso de redacción e ilustración de contos breves. O mellor conto de cada nivel ou ciclo será impreso e distribuído entre o alumnado do ciclo. Os premios por nivel poden quedar desertos, mais concederase polo menos un por ciclo. O prazo de presentación remata o 7 de maio. Os premios entregaranse o 28 de maio, no acto final da Semana das Letras Galegas.
Desde a próxima semana comezaremos dúas actividades de preparación da Semana das Letras. Nas aulas recitaremos poemas de Uxío Novoneyra e faremos ilustracións sobre os poemas. Os bos traballos serán seleccionados para o mural de planta e os melloriños, para o Mural do ENDL, no baixo. O mellor recitador ou recitadora de cada clase participará no acto final da Semana das Letras, o 28 de maio. Recitará ese día diante dos nenos doutras aulas.

En galego mola máis.
Porque é unha lingua xeitosa que xa falaban os pais e as nais de hai mil anos, cando aínda o castelán ninguén o falaba en Galicia.
En galego mola máis.
Porque non está ben que unha lingua tan fermosa se esqueza, perda e morra, como lle pasará se cada vez non a usamos máis.
En galego mola máis

A NOSA ESCOLA EN EUROPA

2010-04-22T10:34:00.008+02:00

A editorial Planeta distribuíu hai pouco o libro que redactamos entre todos sobre A nosa escola en Europa. Quedou moi ben. É mérito do noso alumnado e dos mestres e mestras que lles axudaron. A través deste libro, os lectores poden coñecer mellor Pontevedra, a nosa cidade, vista a través da ollada dos nenos.

BARCELOS EN CARTEIS

2010-04-08T11:16:00.010+02:00

Taboleiro do equipo de normalizacion limgüistica

A VOZ DO GALO

O NOSO ENTROIDO

O DIA DA PAZ

DÍA DA MULLER TRABALLADORA

BOLETIN 2010 1º

2010-02-23T17:03:00.002+01:00

CEIP BARCELOS ENDL 2010–1º
VIÑERON OS REIS
O 22 de decembro viñeron os Reis Magos ao colexio e diante deles cantamos, recitamos poemas e lemos as cartas que redactaramos. Algunhas destas publicáronse no periódico mural e no blogue (http://enlbarcelos.blogspot.com).

A NOSA ESCOLA EN EUROPA
Dentro de pouco a editorial Planeta distribuirá o libro que redactamos entre todos sobre A nosa escola en Europa.

SEMANA INTERCULTURAL
Querémola facer este ano co alumnado do 2º e 3º ciclos de Primaria. O tema será a canción tradicional nas nosas culturas de orixe. Cada alumno ou alumna destes ciclos buscará unha canción das que os seus avós cantaban cando eran novos. O texto da canción estará na lingua orixina
ria sen necesidade de o traducir ao galego ou ao castelán. O alumno ilustrarao cun debuxo, foto ou copia dunha foto, referentes á situación familiar, social ou festa en que se cantaba. O prazo de presentación é entre o 1 e o 5 de marzo. As cancións exporanse en cada aula na semana do 8 ao 14 de marzo. Coas ben presentadas farase unha exposición final no taboleiro do ENDL. As máis selectas publicaranse no blogue e nos periódicos escolares.

AUTOCONTACONTOS
Realizaremos tamén esta actividade, destinada só ao alumnado do 2º e do 3º ciclo. Na primeira fase seleccionaranse catro por aula (ata o 15 de marzo). Na segunda (ata o 15 de abril) seleccionaranse dous por ciclo. Estes recibirán cadanseu premio e intervirán como contacontos na Semana das Letras Galegas, en maio.
24 de febreiro
ACTIVIDADES 2º TRIMESTRE
2010

En galego mola máis.
Porque é unha lingua xeitosa que xa falaban os pais e as nais de hai mil anos, cando aínda o castelán ninguén o falaba en Galicia.
En galego mola máis.
Porque non está ben que unha lingua tan fermosa se esqueza, perda e morra, como lle pasará se cada vez non a usamos máis.
En galego mola máis!
en GALEGO mola
máis

Outras actividades
Nos meses de marzo e abril realizaranse as actividades correspondentes ao intercambio escolar co colexio de Cordeiro (Valga). Neste momento, o alumnado participante preparara os actos e escríbese cos do outro colexio.
No mes de abril convocarase un concurso de redacción e ilustración de contos. O mellor conto de cada ciclo será impreso e distribuído entre o alumnado. Xa podedes ir pensando o voso conto. Procurade unha idea bela e orixinal.

MAGOSTO

2010-02-08T10:09:00.004+01:00

NADAL REIS MAGOS

2010-02-08T09:39:00.008+01:00

CONTOS E RECEITAS DO SAMAIN

2009-11-23T09:40:00.015+01:00

Era unha vez un neno chamado Álvaro, que vivía coa súa nai Molina, co seu pai Galileo e coas súas dúas irmás, Rebeca e Zelanda.
Álvaro sempre se ría das irmás e das súas bonecas. Un día Galileo tróuxolle unha boneca a Zelanda, porque Álvaro sempre lle rompía as bonecas aproveitando que era pequena. Mentres Zelanda mimaba a súa boneca de fermosos cabelos vermellos, a boneca puxo a súa mirada misteriosa no neno. Cando chegou a hora de durmir, a boneca agora miraba con desprezo ao neno. Ao día seguinte, día de Samaín, Molina, Galileo, Rebeca e Zelanda foron de compras e Álvaro quedou só coa boneca, que o seguía mirando con desprezo.
Chegou un momento en que a boneca empezou a falar; dicíalle:
–Non me rompas, ou xa verás! –cada vez con voz máis grave, mentres andaba cara Álvaro.
Álvaro, asustado, tirou a boneca ao lixo despois de pegala.
Cando chegaron seus pais e as súas irmás, preguntáronlle ao neno:
–Onde está a boneca?
Álvaro respondeu con disimulo:
–Non o sei.
E Zelanda dixo chorando:
–A miña boneca que falaba, andaba e poñía caras seguido, como a coidas!
Álvaro quedou sen palabras.
–E apagaches a boneca? –preguntou Galileo.
–Mm... Non –respondeu Zelanda.
E desde ese día Álvaro nunca máis volveu romper ou rirse de ningunha boneca. E non para de pensar: “Deume medo a boneca do Samaín”.

Lucía, 4º A

BOLETIN

2009-11-19T11:33:00.003+01:00

CEIP BARCELOS ENDL 2009 – 3º

PREMIOS SAMAÍN

Moitas familias participaron no concurso do Samaín e algúns ne- nos e nenas escribiron contos de medo e receitas de alimentos fei- tos a base de cabazas e castañas. O Magosto deste ano celebrámolo o pasado día 6. No blogue (http:// enlbarcelos.blogspot.com) encon- traredes fotos do Samaín e do Ma- gosto. Tamén acharedes os no- mes dos premiados nos concur- sos.

A NOSA ESCOLA EN EUROPA

O alumnado de primaria está escribindo as redaccións e prepa- rando as imaxes dun libro colecti- vo sobre o tema da nosa escola e a nosa cidade en Europa, que nos editará a Planeta. No primeiro tri- mestre de 2010 distribuirase en- tre as familias.

BARCELOS PLURILINGÜE

Trátase de escribir, expoñer e dicir en varias linguas –galego, castelán, inglés, francés, portu- gués, outras que falan as familias dos nosos alumnos, etc.– peque- nos textos. Traballaremos con “ Happy Birthday to you ” ( “ Parabéns para ti ” ), “ Stille Nacht ” (Noite de paz ” ) e “ Adeste fideles ” .

CARTA AOS REIS MAGOS

Trátase dun concurso de cartas en galego aos Reis. Nelas póden- selles pedir regalos de todo tipo, incluídos os bens que desexamos para a familia, para o colexio, para a cidade… As mellores cartas, unha de cada clase, leranse dian- te dos Reis, levarán un premio e serán publicadas no blogue e nos periódicos escolares. 20 de novembro

CONCURSOS E CAMPAÑAS 2009

En galego mola máis. Porque é unha lingua xeitosa que xa falaban os pais e as nais de hai mil anos, cando aínda o castelán ninguén o fala- ba en Galicia. En galego mola máis. Porque non está ben que unha lingua tan fermosa se esqueza, perda e morra, como lle pasará se cada vez non a usamos máis. En galego mola máis!

EN GALEGO MOLA MÁIS CONCURSO DE RECITACIÓN

Participa no concurso de recita- do de poesía que se celebrará an- tes do Nadal. Os que mellor reci- ten de cada clase, actuarán diante dos Reis Magos e recibirán un pre- mio. Para participares, debes pedirlle ao teu profesor ou profesora a co- pia dun poema. Se queres antes ver cal é o que máis che gusta, mira no taboleiro de Normaliza- ción Lingüística, preto da sala de- profesores, onde estarán expostos varios poemas. Anímate!

PREMIOS SAMAÍN 2009

2009-11-19T11:07:00.010+01:00

PREMIOS DO CONCURSO DE DECORACIÓN DE CABAZAS DO SAMAÍN 2009

Mauro Fernández Krivonosoff 4º EI A
Alba Pérez Franco 4º EI B
Lara Martínez Fontán 5º EI A
Alejandro Sartal Domínguez 5º EI B
Lucía Ferreiro Fernández 6º EI A
Brem Sobral Louro 6º EI B
Ángela Losada Pérez 1º EP A
Aitana Varela Álvarez 1º EP B
Carlota Cascallar Redondo 2º EP A
Carlota Otero Pazos 2º EP B
Hugo Vidal Cabanelas 2º EP B
Anabela Sánchez Delgado 3º EP A
Marta Penedo Custodio 3º EP B
Vanesa Covelo Vilariño 4º EP A
Marina Losada Pérez 4º EP B
Bruno Vidal Cabanelas 5º EP A
Ángel Betanzos Moure 5º EP B
Julio Godoy Alonso 6º EP A
Antón Rodríguez Carballo 6º EP B

Dentro duns días publicaremos os mellores contos de medo e as receitas de pratos de cociña a base de castañas ou cabazas.

Decoramos a nosa entrada

Fixemos moitas cabazas

Moitas

Os pequenos provaron moitos doces

NOVO CURSO 2009/10

2009-11-19T11:03:00.002+01:00

Comenzamos un novo curso, no que seguiremos a amosarvos todaslas actividades que facemos no colexio Barcelos para fomentar o uso do noso idioma.
Esperamos segir contando con todos

PREMIOS DOS AUTOCONTACONTOS

2009-06-25T11:17:00.003+02:00

Este son os melores contadores de contos do colexio.

EXPOSICION MULTICULTURALIDADE

2009-05-11T11:26:00.012+02:00

Entre os días 2 ó 10 de Marzo, fixemos unha exposición de cousas antigas de varios paises e culturas.

Todo foi traido polos noso nenos.

Mirade que bonito nos quedou

O día 10 clausurouse a exposicion, coa actuación do grupo "Fentos e Frouma" de Marín

INTERCAMBIO CO COLEXIO XESUS FERRO COUSELO

2009-04-01T11:53:00.003+02:00

Os alumnos de 6º A do noso colexio escríbenlles aos do CEP Xesús Ferro Couselo, de Cordeiro-Valga. Coa carta e as fotos preséntanlles o que van poder ver cando veñan visitarnos, o próximo día 28 de abril.

Pontevedra 24 de Marzo de 2009

Ola compañeiros!!: Somos os alumnos do colexio de Barcelos.
O noso colexio está situado ao lado da praza de Barcelos que ten un parque infantil onde xogamos á saída.
O colexio non é moi grande, pero é moi alto (ten catro pisos). No último están as aulas do terceiro ciclo. A nosa clase é espaciosa, ten dúas ventás grandes e podemos ver as montañas ao lonxe. Na parte baixa temos a aula de música, o comedor e o ximnasio, a onde nos gusta moito ir. Este curso tivemos unha profe de E F. que na hora do recreo ensinábanos a bailar alí.
Tamén temos unha aula de informática, pero cos ordenadores un pouco vellos.
Cando estivemos no voso cole, vimos que tendes un patio moi chulo , grande e ao aire libre; o noso é pequeno e está entre edificios, así que non podemos xogar ao fútbol, que a moitos nos gustaría. Aínda así, pasámolo ben no recreo; xogamos a moitas cousas.
Como o cole está no centro da cidade, podemos ir a moitas actividades que están cerca e non temos que coller o autobús. Este curso fomos ver unha exposición de pintura, a unha exposición de libros, ao teatro, a un concerto…Tamén fomos a uns talleres de música enlatada que nos gustou moito. Vimos como escoitaban a música gravada , hai moitos anos ; como facer ritmos actuais e a facer “ Scrach”.
Tamén nos gusta facer murais ( fixemos un de Nadal e outro para o día da Paz).
No entroido pasámolo moi ben. Disfrazámonos de animadoras. Foi moi gracioso porque os rapaces tamén ían con minifalda e pompóns e estaban moi divertidos. Fixemos un desfile pola praza de Barcelos con todos os alumnos e alumnas do colexio.
Bueno, cando veñades a Pontevedra ensinarémosvos o noso cole e tamén un pouco da nosa cidade, que é moi bonita: a Peregrina, a Praza da Ferrería, a Praza da Leña, o museo…
Esperamos que o pasedes ben.
Unha aperta para todos e todas.

ALGUNHAS FOTOS DO NADAL

2009-03-03T16:32:00.010+01:00

Premiados nos concursos do nadal

Lemos cartas ós reis

Visitáronos os Reis Magos

EN GALEGO MOLA MAIS

2009-03-02T11:20:00.003+01:00

CEIP BARCELOS ENDL 2009 –1º

BUSCA UN E TRÁEO
Teus pais, teus avós e outros parentes saben contos, cantos e xogos que aprenderon dos máis vellos cando eran pequenos. Recolle un deses cantos, contos ou xogos e tráeo ao colexio. Se está nunha lingua distinta do galego e do castelán, mira se lle podes escribir ao lado a tradución a unha destas dúas linguas. Podes ilustralo con debuxos ou fotos.

SEMANA MULTICULTURAL
Celebrarase entre o 3 e o 10 de marzo. Consistirá en varias actividades nas aulas e no centro, todo arredor dunha exposición de obxectos representativos das culturas de orixe das nosas familias: libros de contos, xoguetes, fotos, vestidos, comidas… Tamén se expoñerán textos e debuxos que traiades na campaña previa Un conto, un canto ou un xogo.

REUNIÓN DE PAIS E NAIS
Prepararemos, nela, a exposición da Semana Multicultural. Será o martes 17 de febreiro ás 6 da tarde. Rematará como máximo ás 7 menos cuarto. Necesitamos que acudan o maior número posible de pais e nais, de maneira que estean representadas todas as culturas, incluídas a galega e as doutros países españois e peninsulares, e non só as estranxeiras. Trátase de ver quen pode presentar elementos interesantes para a exposición da Semana Multicultural. Esperamos que se animen a asistir moitos pais e nais.

ENTRA NO BLOG
No blog vas encontrar fotos das actividades realizadas e algúns traballos premiados nos concursos. Veo na túa casa ou cando vaias a Informática. O enderezo é http://enlbarcelos.blogspot.com/

UN CONTO, UN CANTO OU UN XOGO
Abonda con presentares unha destas pezas. Queremos xuntar contos, cantos e xogos tradicionais galegos, casteláns de distintas rexións, portugueses, brasileiros, colombianos, chineses, bengalís…, é decir, de todas as culturas de orixe das familias do noso alumnado. Tráeos antes do 20 de febreiro se podes e, se non, antes do 27.
Moitos deles serán expostos na mostra da Semana Multicultural.

PREPÁRATE PARA PARTICIPARES NO AUTOCONTACONTOS

Coma o ano pasado, imos realizar esta importante actividade. Vas poder escoller un conto entre os que se che ofrezan. Estudaralo e
aprenderás a contalo con graza e interese. Na túa aula e na túa casa, primeiro. Despois diante dos rapaces e rapazas doutras aulas do colexio. Todo isto durante o mes de marzo. Os mellores contadores de contos seredes seleccionados para participardes na gran final, que se celebrará contra finais de marzo e primeiros de abril.

CARTA ÓS REIS MAGOS PREMIADA NO CONCURSO

2009-03-02T09:18:00.003+01:00

PRESENTACION DO CALENDARIO NA ZONA MONUMENTAL

2008-12-17T10:33:00.008+01:00

O pasado día 10 de Decembro algúns alumnos e alumnas do colexio recorreron a zona monumental para presentar o noso calendario.

Empezamos na praza de Mendez Nuñez

Visitamos as oficinas do Centro comercial urbano

Despois recorrimos toda a zona monumental

ENDL BOLETÍN Nº 4

2008-12-05T09:20:00.004+01:00

CALENDARIO 2009

Está a piques de saír. Será distribuído polas rúas e comercios coa colaboración do Centro Comercial Urbano Zona Monumental. Cada familia da comunidade escolar recibirá un exemplar de balde.

BARCELOS PLURILINGÜE

Seguimos coa actividade. Interesante, a charla para pais e nais; aínda que asistiron poucos. O alumnado aprendeu a cantar “ Happy Birthday to you” (“Parabéns para ti”) en varias linguas e agora traballa con “Stille Nacht” (Noite de paz”).

CARTA AOS REIS MAGOS

Se aínda non escribiches a carta en galego aos Reis, bule ben. O prazo de presentación remata o próximo día 9, martes. O último día antes das vacacións, o 19 de decembro, virán os Reis á escola e ti vaslles poder entregar a túa carta. Porén, antes tela que presentar a un mestre ou mestra do ENDL para poder participar no concurso. Ilústraa cun debuxo ou un collage. Procura escribir ben e hermoso. As mellores cartas levarán un premio por ciclo e serán publicadas no blog e nos periódicos escolares.

CONCURSO DE RECITACIÓN

Preparaches a túa articipación no concurso de recitado de poesía de Nadal? O día 9 remata o prazo para inscribirse. Na última semana antes das vacacións iranse recitando polas outras aulas. Os mellores recitadores interviredes o o 19 de decembro, venres, diante dos Reis Magos e de todo o alumnado e profesorado da escola. Daranse varios premios.

ENTRA NO BLOG

No blog vas encontrar fotos das actividades realizadas e traballos premiados nos concursos. Xa lerías o premio de receitas do Samaín. Veo na túa casa ou cando vaias a Informática. O enderezo é http://enlbarcelos.blogspot.com/

ABRE A TÚA CONTA DE CORREO ELECTRÓNICO

Os nenos e nenas que este ano ides participar en actividades de intercambio con outros colexios, convén que teñades aberta unha conta de correo electrónico, principalmente os de 5º e 6º de Primaria. Se non a tendes propia na casa, pódesevos abrir unha no colexio a través de EDUXOVE da Consellería de Educación. A través desa conta escribirédesvos cos vosos corresponsais e mandarédeslles mostras das vosas creacións e traballos.

GALLETAS DE CABAZA

2008-11-17T09:29:00.002+01:00

GALLETAS DE CABAZA

Ingredientes para catro persoas:

- 4 culleradas de manteiga
- 10 culleradas de azucre
- 10 culleradas de fariña
- 3 ovos
- ½ vaso de puré de cabaza,
- 100 gramos de uvas pasas remolladas (en auga ou licor)

Elaboración

Para preparar o puré, cocerás previamente unha rabanda de cabaza en auga cunha chisca de sal.

Coa axuda dunha batedora de variña, bate a manteiga ata a deixares en punto pomada. Sen deixar de remexer, bota o azucre e os ovos. Continúa batendo e agrega a fariña pouco a pouco. Seguidamente, incorpora, con coidado e sen deixar de remexer, o puré de cabaza.

Nunha placa de forno, cuberta con papel ou untada con manteiga, estende con axuda dunha culler, porcións do amoado dándolles forma de galleta. Engade as pasas e aplasta lixeiramente coa culler.

Cóceas no forno durante 10-12 minutos a 180º. Déixaas arrofriar e sírveas.

Antón Rodríguez Carballo, 5º B

CONCURSO DE CARTAS AOS REIS MAGOS

2008-11-06T12:25:00.004+01:00

ESCRÍBELLES UNHA CARTA AOS REIS MAGOS, PEDÍNDOLLES O MELLOR QUE SE CHE OCORRA PARA TI, PARA A TÚA FAMILIA, PARA O COLEXIO, PARA A CIDADE, PARA O MUNDO…
ILUSTRA A CARTA CUN DEBUXO, UN COLLAGE… ANTES DE A PRESENTARES AO CONCURSO –prazo deica o 9 de decembro-, DEIXA QUE UN MESTRE OU MESTRA CHE CORRIXA O TEXTO.
PRESÉNTAA EN SOBRE ANTE O ENDL DO COLEXIO, DÁNDOLLA A CALQUERA DOS MESTRES/AS DO EQUIPO. PODES GAÑAR UN PREMIO. Se cadra, a túa sae publicada no BLOG.

2008-11-03T11:41:00.007+01:00

IIPREMIOS IV CERTAME SAMAIN
VII CERTAME SAMAÍN

EDUCACIÓN INFANTIL

INFANTIL 3 ANOS: Miriam Varela Álvarez Alba

INFANTIL 4 ANOS: Javier Carballal Morgade

INFANTIL 5 ANOS: Mario González Doval

EDUCACIÓN PRIMARIA

PRIMEIRO: Joshua Manrique Díaz (1ºB)

SEGUNDO: Lorena Pedreira Sertal (2ºB)
TERCEIRO: Marcos Puente Paz (3ºB)

CUARTO: Nerea Puime Martínez (4ºB)

QUINTO: Antón Rodríguez Carballo (5ºB)

SEXTO: Senén Lores Vera (6ºB)

MENCIÓN HONORÍFICA: Ángel Betanzos Moure

Theo Quintas Peralta

VISITA AO COLEXIO DE VALGA

2008-11-03T11:05:00.006+01:00

O día 23 de setembro os rapaces e rapazas de 5ºB e 6ºA fomos ver a “MALLA DO TRIGO” ao colexio de Valga, Xesús Ferro Couselo.
Nesa malla participan os nenos, nenas e as persoas maiores do pobo que ían vestidos de labregos.
Cando chegamos fomos a unha aula onde nos presentamos e despois os rapaces de alí ensináronnos o seu colexio.
Saímos ao patio que era enorme e no medio había un montón de trigo espallado no chan . Chegaron uns señores maiores e puxéronse en dúas filas e comezaron a darlle ao trigo cuns paus longos, unidos con coiro e unha cadea, que se chaman “ manles”. Primeiro daban os dunha fila e logo os da outra. Vimos como quedaban os grans de trigo enriba do plástico que puxeran por debaixo. Mentres os señores mallaban o trigo unhas señoras cantaban, tocaban a pandeireta e dábanlles de beber.
Cando remataron de mallar deixáronnos xogar coa palla e pasámolo ben, e tamén nos invitaron a unha pequena merenda.
Despois fixeron un palleiro moi alto coa palla para así gardala para o inverno. Por último collemos o autobús para voltar ao colexio.

2008-10-28T16:47:00.005+01:00

EN GALEGO MOLA
MÁIS

CEIP BARCELOS ENDL 2008

CONCURSOS E CAMPAÑAS

RECEITAS CON CABAZA OU CASTAÑAS
Poden presentalas as familias. Tráenas os seus fillos ás clases, onde serán corrixidas se o necesitan. Os nenos poden adornalas con debuxos. As mellores serán publicadas no blog e nos periódicos escolares. Prazo de presentación: do 29 de outubro ao 7 de novembro.

CALENDARIO 2009
O alumnado prepara as imaxes dos meses por aulas na primeira quincena de novembro . A actividade forma parte dunha campaña de promoción da lingua galega. Editarase e distribuirase en decembro.

BARCELOS PLURILINGÜE

Inclúe dous tipos de actividades.
Unha referida ás aulas e ao alumnado. Trátase de escribir, expoñer e dicir en varias lenguas –galego, castelán, inglés, francés, portugués, outras que falan as familias
dos nosos alumnos, etc.– pequenos textos. Comezaremos por “ Happy Birthday to you” (“Parabéns para ti”) e “Stille Nacht” (Noite de paz”). A outra é destinada ás familias. Haberá unha charla coloquio sobre o plurilingüismo o día 11 de novembro ás 6 da tarde. Nela daranse orientacións sobre a colaboración das familias na parte dos alumnos e alumnas.

CARTA AOS REIS MAGOS

Trátase dun concurso de cartas en galego aos Reis. Nelas pódenselles pedir regalos de todo tipo, incluídos os bens que desexamos para a familia, para o colexio, para a cidade… As mellores cartas levarán un premio por ciclo e serán publicadas no blog e nos periódicos escolares.

CONCURSO DE RECITACIÓN

Participa no concurso de recitado de poesía que se celebrará antes do Nadal. Terás información no blog e no taboleiro do ENDL.
CONCURSOS E CAMPAÑAS

Como podes participar no concurso de recitación:
• Tes que escoller unha poesía das que van ter os mestres e se van expoñer no taboleiro do ENDL e algunhas tamén no blog
• Teste que inscribir dando o teu nome e o título da poesía que vas recitar.
• Se estás en 5º ou en 6º de EP, podes inscribirte ti persoalmente.
• Se es máis pequeño, debe inscribirte a túa familia ou un dos mestres ou mestras.
• Vai preparando ben a túa poesía con axuda dos teus mestres/as e dos teus familiares.
• Está atento á data ou datas do concurso. Publicaranse no taboleiro e no blog.
Temos un blog do colexio. VISÍTAO EN INTERNET

No blog vas encontrar fotos das actividades realizadas e traballos premiados nos concursos. Tamén encontrarás noticias e materiais para o teu uso. Se o visitas agora, poderás ver as fotos da malla de Cordeiro, á que asistiron dúas au
las do colexio.

Se queres entrar no blog, entra primeiro en Internet e alí escribe este enderezo:
enlbarcelos.blogspot.com